منتديات البحر الذهبى
اخى العضو او الزائر نتمنى لك اجمل الاوقات معنا
كما يسعدنا تسجيلك معنا ان كنت زائر او الدخول ان كنت عضوا
او الضغط على كلمة اخفاء وتصفح المنتدى كما تريد
تحياتى ... mady ....




 
الرئيسيةس .و .جدخولالتسجيل

شاطر | 
 

 رباعيات صلاح جاهين

استعرض الموضوع السابق استعرض الموضوع التالي اذهب الى الأسفل 
انتقل الى الصفحة : 1, 2  الصفحة التالية
كاتب الموضوعرسالة
نو
مشرف عام المنتديات
مشرف عام المنتديات


عدد الرسائل : 773
العمر : 29
الموقع : ام الدنيا
المزاج : نوكومنت
الاوسمه :
مزاجك ايه :
نقاط : 477
تاريخ التسجيل : 08/11/2008

مُساهمةموضوع: رباعيات صلاح جاهين   الجمعة يناير 23, 2009 1:22 pm

[ندعوك للتسجيل في المنتدى أو التعريف بنفسك لمعاينة هذه الصورة]

أنا قلبي كوكب و انطلق في المدار


حواليكي يا محبوبتي يا نور ونـــار


يلف مهمــــا يلف ما بيكتفــــــفيش



وتمللي نصه ليل و نصه نهــــــــار



عجبي
!!


أنا قلت كلمة و كان لها معنييـــــــــن


كما بطن واحده و توأمين زي وشين


لو دنيا شر.. التوأم الخير يمـــــــوت


لو دنيا خير .. الشر ح يعيش مــنين



عجبي
!


أنا كان لي أب . و كان رئيس محكـــمه
ستين سنة و طلع براءة و خــــــــرج

ستين سنة .. في قضية واحدة أترمي
ستين سنة و طلع براءة و خــــــــرج


عجبي
!!!!



انا كل يوم أسمع ........ فلان عذبوه



أسرح في بغداد و الجزاير واتوه

ما أعجبش م اللي يطيق بجسمه العذاب


و اعجب من اللي يطيق يعذب أخوه


عجبي
!!!



أنا كنت شئ و صبحت شئ ثم شــئ



شوف ربنا .. قادرعلي كل شـــــــئ


هز الشجر شواشيه ووشوشني قال
:

لابد ما يموت شئ عشان يحيا شئ


عجبي
!!


إنسان أيا إنسان ما أجهلك


ما أتفهك في الكون و ما أضألك


شمس وقمر و سدوم و ملايين نجوم


و فاكرها يا موهوم مخلوقه لك


عجبي
!!

إنشد يا قلبي غنوتك للجمــــــــــــــــــال


و ارقص في صدري من اليمين للشمال



ما هوش بعيد تفضل لبكره سعيــــــــــد



ما هوش بعيد تفضل لبكره سعيــــــــــد


عجبي
!!





آه لو انا و محبوب جزنا الفضـــــا


في سفينة وحدينا .. واشيا رضـــا


في سفينة وحدينا .. واشيا رضـــا


و الهم قبل ما ييجي .. يبقي مضـى


عجبي
!!



أهوى الهوى و همس الهوى في العيون


وبسمة المغرم ودمعه الحنـــــــــــــــون


و زلزلات الحب نهد الصبـــــــــــــــــــــا


و زلزلات الحب نهد الصبـــــــــــــــــــــا


عجبي
!!!

أوصيك يابني بالقمر و الزهـــــــــــــور


أوصيك بليل القاهرة المسحـــــــــــــور


و إن جيت في بالك .. إشتري عقد فل


لأي سمرا.. وقبري إوعك تـــــــــزور


عجبي
!!!!

[ندعوك للتسجيل في المنتدى أو التعريف بنفسك لمعاينة هذه الصورة]

يتبع


عدل سابقا من قبل نو في الجمعة يناير 23, 2009 1:26 pm عدل 1 مرات
الرجوع الى أعلى الصفحة اذهب الى الأسفل
نو
مشرف عام المنتديات
مشرف عام المنتديات


عدد الرسائل : 773
العمر : 29
الموقع : ام الدنيا
المزاج : نوكومنت
الاوسمه :
مزاجك ايه :
نقاط : 477
تاريخ التسجيل : 08/11/2008

مُساهمةموضوع: رباعيات الكينج   الجمعة يناير 23, 2009 1:24 pm

الحلو يم اليم صابــــــــــح رايح
سارح في حضن الميه سابح سايح

الحلو داب في البحر , قلــــت أدوقه
وجدت لسه البحر برضك ماــــــلح
وجدت لسه البحر برضك ماــــــلح



أحب أعيش ولو في الغابات
أصحي كما ولدتني أمي و ابات
طائر .. حوان.. حشرة .. بشر ..بس أعيش
محلا الحياة.. حتي في هيئة نبات
عجبي !!


يا نجم .. نورك ليه كده بيرتجف ؟
هو انت قنديل زيت ؟ أو تختلف
أنا نجم عالي .. بس عالي قوي
و كل ما انظر تحت اخاف انحدف
عجبي !!



احسن ما فيها العشق و المعشقــــــة
و شويتين الضحك والتريقـــــــــــــة
شفت الحية . لفيت . لقيت الألــــــــذ
تغييرها . و ده يعني التعب و الشقا
عجبي !!
ازاي شبابنا يقوم و ياخـــــــــد دوره
من غير صراخ يئذيه و يجرح زوره
يا هلتري أحسن له يقعد ساكـــــــــت
أو ينترك و لو خرج عن طــــــوره ؟
عجبي !!

أعرف عيون هي الجمال و الحسن
و اعرف عيون تاخد القلوب بالحضن
و عيون مخيفة و قاسية وعيون كتير
وباحس فيهم كلهم بالحزن
عجبي !!


الأرض شوك أيوه لكين هايش
و الحمرة مش يعني الطريق حايش
دي دمنا السيال .. وبشرة خيـــــــر
ان انتي عايشة و ان كنت أنا عايــش
عجبي !!
الدنيا أوده كـــــــــــبيره للانتظار
فيها ابن أدم زيه زي الحـــــــمار
الهم واحد .. و الملل مشــــــترك
و مفيش حمار بيحاول الانتـــــحار
عجبي !!
الدنيا صندوق دنيا .. دور بعــــد دور
الدكة هي .. و هي كل الديكـــــــــور
يمشي اللي شاف ويسيب لغيره مكان
كان عربجي أو كان امبراطــــــــور

عجبي !!



الدنيا من غير الربيع ميّته
ورقة شجر ضعفانه ومفتفته
لأ يا جدع غلطان تأمّل وشوف
زهر الشتا طالع في عز الشتا
عجبي !!






السم لو كان في الدوا منين يضر ؟
و الموت لو عدونا .. منين يسر؟
حط القلم في الحبر و اكتب كمان

..
و العبد للشهوات .. منين هو حر؟
عجبي !!!

الضحك قال يا سم ع التكشيـــــــر
امشير و طوبه وانا ربيعي بشيـر
مطرح ما باظهر بانتصر ع العدم
انشالله أكون رسماية بالطباشيــر

عجبي
!!!


العشب طاطا للنسايم و نـــــــــــــــــــــخ
أخضر طري مالهش في الحســـــــن أخ

عصفور عبيط انا .. غاوي بهجه و غنا
ح انزلهنا.. و انشا لله يهبرني فــــــــخ
عجبي !!!


الفيلسوف قاعد يفكر سيبوه
لا تعملوه سلطان و لا تصلبوه
ما تعرفوش إن الفلاسفه يا هوه
اللي يقولوه بيرجعوا يكدبوه
عجبي !!!

الموج تلول تهبط وتطلع تلــــــــــــول
يا بحر خدني الشط صاحبك ملـــــــول
و الا بلاش الشط ح اعمل به أيـــــــه
ده ريحته طحلب مهري و ام الخلــول
عجبي !!!


النهد زي الفهد نط اندلع
قلبي انهبش بين الضلوع و انخلع
ياللي نهيت البنت عن فعلها
قول للطبيعة كمان تبطل دلع
عجبي !!!
انا الذي عمري اشتياق في اشتيـــاق
و قطر داخل في محطة الـــــــــفراق
قصدت نبع السم وشربت ســـــــــم

من كتر شوقي وعشمي في التريـــاق
عجبي
!!!

أنا قلبي كان شخشيخة أصبح جَرس
جلجلت به صحيوا الخدم والحرس
أنا المهرج .. قمتو ليه خفتو ليه
لا فْ إيدي سيف ولا تحت منى فرس
عجبي !!
[size=21]
[ندعوك للتسجيل في المنتدى أو التعريف بنفسك لمعاينة هذه الصورة]



يتبع
[/size]

الرجوع الى أعلى الصفحة اذهب الى الأسفل
M A D Y
مجلس الاداره
مجلس الاداره


عدد الرسائل : 1779
العمر : 29
الاوسمه :
مزاجك ايه :
نقاط : 2053
تاريخ التسجيل : 04/06/2008

مُساهمةموضوع: رد: رباعيات صلاح جاهين   السبت يناير 24, 2009 3:16 am

دائماا مواضيعك فى منتهى الابداع

صلاح جاهين معجزه شعريه الله يرحمه

smile1
اقتباس...نو
أهوى الهوى و همس الهوى في العيون


وبسمة المغرم ودمعه الحنـــــــــــــــون


و زلزلات الحب نهد الصبـــــــــــــــــــــا


عجبي !!!


كلمات جميله جدااااااااااااااااااااااااااااااا وليها معانى حلوه اوى


_________________التوقيع _______________



ليس كل من تهواه يهواك قلبه
ولا كل من صافيته لك قد صفا
ان كان صفو القلوب طبيعة
فلاخير فى خل يجىء تكلفاا
سلام على الدنيا اذا لم يكن بها
صديقاا صادق الوعد منصفاا

.......................................

قلمى اياك انت تكتب مرة اخرى عن صديقى
اقسم ان كررت سأكسرك الا تعلم انه رفيقى
مهما فعل لن ابالى فعلته
حتى لو تحولت يده تمنع زفيرى وشهيقى

الرجوع الى أعلى الصفحة اذهب الى الأسفل
eslaam
مشرف القسم الاسلامى
مشرف القسم  الاسلامى


عدد الرسائل : 292
العمر : 66
الاوسمه :
مزاجك ايه :
نقاط : 194
تاريخ التسجيل : 07/06/2008

مُساهمةموضوع: رد: رباعيات صلاح جاهين   السبت يناير 24, 2009 3:50 am

موضوعك متميز نو

وبعدين ليا تعليق على رد مادى لو تسمحى


بتقول الله يرحمه ومبسوط كده بتقولها بغل وفرحان كده

عشان كان مقطع عليكم ولا ايه


هههههههههههههههههههههه

تقبلوا مرورى
الرجوع الى أعلى الصفحة اذهب الى الأسفل
نو
مشرف عام المنتديات
مشرف عام المنتديات


عدد الرسائل : 773
العمر : 29
الموقع : ام الدنيا
المزاج : نوكومنت
الاوسمه :
مزاجك ايه :
نقاط : 477
تاريخ التسجيل : 08/11/2008

مُساهمةموضوع: رد: رباعيات صلاح جاهين   السبت يناير 24, 2009 9:37 am

شكرا لمروركم

بس انتوا عارفين انا بحب الانسان دا مش تصدقوا قد ايه
كنت بتمنى يكون عايش وكنت لازم اقابله
بجد حاجه مش هاتيجى تانى ابدا

ربنا يرحمه ويغفر ليه ذنوبه يارب


على فكرة التلفزيون كان كاتب ليه شعر مش عارفه بصوته ولا
اسمه الى احفادى فى القرن الواحد والعشرين

شوفوا كاتب لفين

فعلا هو كينج


وطبعا الملك هو الله سبحانه وتعالى
نورتم

_________________التوقيع _______________
عيش الحياة كما تحب فلا يهمك اقاويل الناس افعل مايحبه الله دائما تجد كل الخيروافعل ماتقتنع به دائما فلاتندم على شى عيش كما تحب تجد نفسك مرتاح البال وافتح قلبك للحياة بكل قناعاتك
الرجوع الى أعلى الصفحة اذهب الى الأسفل
نو
مشرف عام المنتديات
مشرف عام المنتديات


عدد الرسائل : 773
العمر : 29
الموقع : ام الدنيا
المزاج : نوكومنت
الاوسمه :
مزاجك ايه :
نقاط : 477
تاريخ التسجيل : 08/11/2008

مُساهمةموضوع: رد: رباعيات صلاح جاهين   السبت يناير 24, 2009 9:50 am

إيديا في جيوبي وقلبي طــــــــرب

سارح في غربة بس مش مغترب

و حدي لكين ونسان و ماشي كده


وبابتعد ما اعرف .. أو باقـــــترب
عجبي !!


إيش تطلبي يا نفس فوق كل ده

حظك بيضحك و انتي متنكده

ردت قالت لي النفس : قول للبشر

ما يبصوليش بعيون حزينة كده

عجبي !!


إيه اللي خدته من مرور السنــــــين

يا قلبي الا دمعتك و النيــــــــــــــين

بتئن و ترجع و بتفرح و ترجع تحــن

بتئن و ترجع و بتفرح و ترجع تحــن
عجبي !!!!



أيوب رماه البين بكل العـــــــــلل
سبع سنين مرضان وعنده شلل
الصــــبر طيب .. صبر أيوب شفاه
بس الأكـــــــــاده مات بفعل الملل
عجبي !!!

بحر الحياه مليان بغرقي الحياه
صرخت خش الموج في حلقي ملاه
قارب نجاه .. صرخت قالوا مفيش
غير بس هو الحب قارب نجاه
عجبي !!!


بره القزاز كان غيم و أمطار و بــــــــرق
ما يهمنيش – أنا قلت – و لا عندي فرق
غيرت رأيي بعد ساعة زمـــــــــــــــــان
و كنت في الشارع .. و في الجزمة خرق

عجبي !!!

بلياتشو قال إيه بس فايدة فنونــــي ؟
و تلات وقق مساحيق بيلونونـــــــي
و الطبل و المزامير و كتر الجعـــــــير
إذا كان جنون زبوني زاد عن جنوني
عجبي !!!


بين موت وموت .. بين النيران والنيران
ع الحبل ماشيين الشجاع والجبان
عجبي عَلادي حياة .. ويا للعجب
عجبي عَلادي حياة .. ويا للعجب
عجبي !!

تسلم يا غصن الخوخ يا عود الحطـــــــــب
بييجي الربيع .. تطلـــــــــــع زهورك عجب
و انا ليه بيمضـــــــــــي ربيع وييجي ربيع
و لسه برضك قلــــــــــــــــــبي حتة خشب
عجبي !!!

جالك اوان وعرفت مشي الجنايــــــــز
كيف شفتها يا عبد رب اللذايــــــــــــذ
كيف شفتها يا عبد رب اللذايــــــــــــذ
كما شالوا في الخمامير فواضي القزايز
عجبي !!

جالك أوان ووقفت موقف وجـــود
يا تجود بده يا قلبي يا بده تجــــود
ما حد يقدر يبقي علي كل شـــــــئ
مع إن – عجبي – كل شئ موجود
عجبي !!!

حبيت .. لكن حب من غير حنان
وصاحبت لكن صُحبه ما لهاش أمان
رحت لحكيم واكتر لقيت بلوتي
إن اللي جوّه القلب مش ع اللسان
عجبي !!

حتة محارة وجدتها في يوم لقيـة
قالت لي شوف كيف الطبيعة شقية
نظرت للكهف اللي فيها و لقيــــت
إن الطبيعة كمان لا أخلاقيــــــــــة
عجبي !!!!

حدوته عن جعران و عن خنفســــــــــه
اتقابلوا حوا بعض ساعة مســـــــــــــــا
و لا قال لهم حد اختشوا عيب حـــــرام
و لا حد قال دي علاقة متدنســــــــــــــة
عجبي !!!!

حقرا وفوق كوكب حقير محتقر
في الكون تكون دنياكو إيه يا بَقَر
رملايه من صحرا ؟ .. لكين إيش تقول
والكون بحاله جوّه عقل البشر
عجبي !!

خوض معركتها زي جدك ما خــــاض
صالب و قالب شفتك بامتـــــــــــعاض
هي كده...ما تنولش منها الأمـــــــل
غير بعض صد ورد ووجاع مخاض
عجبي !!!!

دخل الربيع يضحك لقاني حزين
نده الربيع على إسمي لم قلت مين
حط الربيع أزهاره جنبي وراح
وإيش تعمل الأزهار للميتين
عجبي !!!!



يا عندليب ما تخافش من غنوتك
قول شكوتك و احكي علي بلوتك
الغنوه مش ح تموتك إنمــــــــــا
كتم الغنا هو اللي ح يموتــــــــك
عجبي


يا ميت ندامه ع القلوب الخـــــــــــلا
لا محبة فيها و لا كراهـــــــــــه ولا
حتي يا قلبي الحزن ما عادش فيـــــك
معلهش .. لك يوم برضه راح تتملا
عجبي !!

يتبع


_________________التوقيع _______________
عيش الحياة كما تحب فلا يهمك اقاويل الناس افعل مايحبه الله دائما تجد كل الخيروافعل ماتقتنع به دائما فلاتندم على شى عيش كما تحب تجد نفسك مرتاح البال وافتح قلبك للحياة بكل قناعاتك
الرجوع الى أعلى الصفحة اذهب الى الأسفل
eslaam
مشرف القسم الاسلامى
مشرف القسم  الاسلامى


عدد الرسائل : 292
العمر : 66
الاوسمه :
مزاجك ايه :
نقاط : 194
تاريخ التسجيل : 07/06/2008

مُساهمةموضوع: رد: رباعيات صلاح جاهين   الأحد يناير 25, 2009 4:22 am


شكراا نو


ولو موجودة قصيدة الى احفادى فى القرن العشرين

يا ريت تنزليها فى موضوع

وارجو تثبيت الموضوع للاهمية

من مشرف القسم
الرجوع الى أعلى الصفحة اذهب الى الأسفل
نو
مشرف عام المنتديات
مشرف عام المنتديات


عدد الرسائل : 773
العمر : 29
الموقع : ام الدنيا
المزاج : نوكومنت
الاوسمه :
مزاجك ايه :
نقاط : 477
تاريخ التسجيل : 08/11/2008

مُساهمةموضوع: رد: رباعيات صلاح جاهين   الإثنين يناير 26, 2009 8:39 pm

تقريبا اسلام مش طلعت قصيدة و وطلع تسجيل فى التفلزيون معتش عارف بجد بعمل سيرش ولو لقتها هنزلها ان شاء الله
شكرا لمرورك

_________________التوقيع _______________
عيش الحياة كما تحب فلا يهمك اقاويل الناس افعل مايحبه الله دائما تجد كل الخيروافعل ماتقتنع به دائما فلاتندم على شى عيش كما تحب تجد نفسك مرتاح البال وافتح قلبك للحياة بكل قناعاتك
الرجوع الى أعلى الصفحة اذهب الى الأسفل
نو
مشرف عام المنتديات
مشرف عام المنتديات


عدد الرسائل : 773
العمر : 29
الموقع : ام الدنيا
المزاج : نوكومنت
الاوسمه :
مزاجك ايه :
نقاط : 477
تاريخ التسجيل : 08/11/2008

مُساهمةموضوع: رد: رباعيات صلاح جاهين   الإثنين يناير 26, 2009 8:43 pm

دي مذكرات و كتبتها من ســـــــــنين

في نوتة زرقا لون بحور الحنيــــــــــــن

عترت فيها .. رميتها في المهمـــــــلات

وقلت صحيح أما صحيح كلام مخبولين
عجبي !!



رقاصه خرسا و رقصه من غير نغــم

دنيا . . يا مين يصالحها قبل النـــــدم

ساعتين تهز بوجههـــــــــــــــا يعنـي

يترجرجوا نهديها يعني نعـــــــــــــــم

عجبي !!!


رقبه قزازة و قلبي فيها انحشر
شربت كاس و اتنين و خامس عشر
صاحبت ناس م الخمرة ترجع وحوش
و صاحبت ناس م الخمرة ترجع بشر
عجبي !!!!
زحام و أبواق سيارات مزعجـــــة
للي يطول له رصيف.. يبقي نجـــا
لو كنت جنبي يا حبيبي أنــــــــــــا
مش كنت أشوف إن الحياة مبهجة
عجبي!!


سرداب في مستشفي الولاده طويل
صرخات عذاب ورا كل باب وعويل
وفي الطــــــريق متزوقين البنات
متزوقـــــــــــــين للحب و المواويل
عجبي !!
سلام سلام سلام سلام ... سلام
كلام كلام كلام كلام ... كلام
هز الورق يا صاحبي كدهــــوه
يطلع كلام سلام .. و سلام كلام
عجبي !!!!

سمعت نقطة ميه جوه المحيـــــــط
بتقول لنقطه ما تنزليش في الغويط
أخاف عليكي م الغرق .. قلـــــت أنا
ده اللي يخاف م الوعد يبقي عبيط
عجبي !!!

سنوات وفايته عليّا فوج بعد فوج
واحدة خَدِتني إبن والتانية زوج
والتالتة أَب خدتني والرابعة إيه
إيه يعمل إللي بيحْدفُه موج لموج ؟
عجبي !!

سهير ليالي و ياما لفيت و طفت
و ف ليه راجع في الضلام قمت شفت
الخوف ... كأنه كلب سد الطريق
و كنت عاوز أقتله .. بس خفت
عجبي !!
شاف الطبيب جرحي وصف له الأمل
وعطاني منه مقام يا دوب ما اندمل
مجروح جديد يا طبيب و جرحي لهيب
ودواك فرغ مني .... و إيه العمل
عجبي !!!


صوتك يا بنت الإيه كأنه بدن
يرقص يزيح الهم يمحي الشجن
يا حلوتي و بدنك كأنه كلام
كلام فلاسفه سكروا نسيوا الزمن
عجبي !!!!


ضريح رخام فيه السعيد اندفن
و حفره فيها الشريد من غير كفن
مريت عليهم .. قلت يا للعجب
لاتنين ريحتهم لها نفس العفن
عجبي !!!
يتبع

_________________التوقيع _______________
عيش الحياة كما تحب فلا يهمك اقاويل الناس افعل مايحبه الله دائما تجد كل الخيروافعل ماتقتنع به دائما فلاتندم على شى عيش كما تحب تجد نفسك مرتاح البال وافتح قلبك للحياة بكل قناعاتك
الرجوع الى أعلى الصفحة اذهب الى الأسفل
نو
مشرف عام المنتديات
مشرف عام المنتديات


عدد الرسائل : 773
العمر : 29
الموقع : ام الدنيا
المزاج : نوكومنت
الاوسمه :
مزاجك ايه :
نقاط : 477
تاريخ التسجيل : 08/11/2008

مُساهمةموضوع: رد: رباعيات صلاح جاهين   الإثنين يناير 26, 2009 8:46 pm

طال انتظاري للربيع يرجــــــــــــــع
و الجو يدفا و الزهور تطلــــــــــــع
عاد الربيع عرمرم شبـــــــــــــــاب
إيه اللي خلاني ابتديت افــــــــزع ؟
عجبي !!!
ظهر المسيح الحي علي سفح ربـــــــــوة
و نزل بهالة الضي و قعد في قهـــــــــوة
بصوا .. تعالوا .. قالوا خليه في حالــــــــه
الناس في حالهم يا بني .. مالهمش دعوة
عجبي !!!
عاد الربيع كأنه طعم الحــــــــــــــــــب
و الحب نار جوه العروق بتصـــــــــب
اتمتع ازاي بيه وانا متقطـــــــــــــــع
من كتر خوفي لا في الخطيئة يطب ؟
عجبي !!

عالجسر فت الصبح تحت الضباب
بين اللي لسه بينغرس و اللي طاب
ما اهتز قلبي لنبت طالع جديـــــــد
قد اللي ماشي .. وتحت باطه كتاب
عجبي !!


عبثا باقول واقرا في سورة عبس
ماتلومش حد إن ابتسم أو عبس
فيه ناس تقول الهزل يطلع جــــد
و ناس تقول الجد يطلع عبـــــث
عجبي !
عجبتني كلمة من كلام الورق
النور شرق من بين حروفها و برق
حبيت أشيلها ف قلبي .. قالت حرام
ده أنا كل قلب دخلت فيه اتحرق
عجبي !!!
عجبي على العجب العجيب العجاب
لما الحقيقة تطل بعد احتجاب
و تروح و تحلا وفجأة تصبح مفيش
كمثل طراطيش بحر ياما خد و جاب
عجبي !!!
عجبي عليك .. عجبي عليك يا زمن
يا بو البِدَع يا مبكِّي عيني دَماً
إزاي أنا أختار لروحي طريق
وأنا اللي داخل في الحياة مرغماً
عجبي !!

علقت في المسمار قناع مهزلة
ومعاه قناع مأساة بحزنه ابتـــلا
بصيت لقيتهم يشبهوا بعضهـــم
واهو ده العجب يا ولاد و الا فلا
عجبي !!

علم اللوع اضخم كتـــــــــاب في الأرض
بس اللي يغلط فيه يجيـــــــــبــه الأرض
أما الصراحة فأمرها ســـــــــــــــــاهل
لكن لا تجلب المال و لا تصون العرض
عجبي !!!

على بعد مليون ميل من أرضنا
من الفراغ الكوني بصيت أنا
لا شفت فرق بين جبال و بحور
و لا شفت فرق ما بين عذاب أو هنا
عجبي !!

علي رجلي دم .. نظرت له ما احتملت
علي إيدي دم.. سألت ليه ؟ لم وصلت
علي كتفي دم.. و حتي علي رأسي دم
أنا كلي دم .. قتلت ؟ ..... والا اتقتلت
عجبي !!

عيد و العيال اتنططوا ع القبـــــــور
لعبوا استغمايه .. و لعبوا بابــــــور
و باللونات و نايلونات شفتشـــــــي
و الحزن ح يروح فين جنب السرور
عجبي !!


يتبع

_________________التوقيع _______________
عيش الحياة كما تحب فلا يهمك اقاويل الناس افعل مايحبه الله دائما تجد كل الخيروافعل ماتقتنع به دائما فلاتندم على شى عيش كما تحب تجد نفسك مرتاح البال وافتح قلبك للحياة بكل قناعاتك
الرجوع الى أعلى الصفحة اذهب الى الأسفل
M A D Y
مجلس الاداره
مجلس الاداره


عدد الرسائل : 1779
العمر : 29
الاوسمه :
مزاجك ايه :
نقاط : 2053
تاريخ التسجيل : 04/06/2008

مُساهمةموضوع: رد: رباعيات صلاح جاهين   الثلاثاء يناير 27, 2009 5:07 pm

شكرااااااااااا ليكى نو على الموضوع اللى بجد تحفه


تم التثبيت يااسلام

_________________التوقيع _______________



ليس كل من تهواه يهواك قلبه
ولا كل من صافيته لك قد صفا
ان كان صفو القلوب طبيعة
فلاخير فى خل يجىء تكلفاا
سلام على الدنيا اذا لم يكن بها
صديقاا صادق الوعد منصفاا

.......................................

قلمى اياك انت تكتب مرة اخرى عن صديقى
اقسم ان كررت سأكسرك الا تعلم انه رفيقى
مهما فعل لن ابالى فعلته
حتى لو تحولت يده تمنع زفيرى وشهيقى

الرجوع الى أعلى الصفحة اذهب الى الأسفل
نو
مشرف عام المنتديات
مشرف عام المنتديات


عدد الرسائل : 773
العمر : 29
الموقع : ام الدنيا
المزاج : نوكومنت
الاوسمه :
مزاجك ايه :
نقاط : 477
تاريخ التسجيل : 08/11/2008

مُساهمةموضوع: رد: رباعيات صلاح جاهين   الأربعاء يناير 28, 2009 3:57 pm

العفو محمد

جميل اوى الكلام الى بتوقيعك انت الى كاتبه صح

_________________التوقيع _______________
عيش الحياة كما تحب فلا يهمك اقاويل الناس افعل مايحبه الله دائما تجد كل الخيروافعل ماتقتنع به دائما فلاتندم على شى عيش كما تحب تجد نفسك مرتاح البال وافتح قلبك للحياة بكل قناعاتك
الرجوع الى أعلى الصفحة اذهب الى الأسفل
نو
مشرف عام المنتديات
مشرف عام المنتديات


عدد الرسائل : 773
العمر : 29
الموقع : ام الدنيا
المزاج : نوكومنت
الاوسمه :
مزاجك ايه :
نقاط : 477
تاريخ التسجيل : 08/11/2008

مُساهمةموضوع: جاهين   الأربعاء يناير 28, 2009 4:03 pm

عيني رأت عصفور ووياه ابنه

بيحدفه في الريح وياخده ف حضنه

نوبتين وتالت نوبه - عجبي عليهم -

كانوا سوا بيرفرفوا ويغنوا

عجبي !



عيني رأت مخلوق في غاية البشاعة
أنا قلت له لما تأملته ساعـــــــــــــة
اللذه و الموت علموك اللــــــــــزج
و انا علموني الفلسفة و الشجاعــة
عجبي!!

عيني رأت مولود على كتف أمـــــــــــه
يصرخ تهنن فيه يصرخ تضــــــــــــمه
يصرخ تقول يا بني ما تنطق كـــــــلام
ده اللي ما يتكلمش يكتر همـــــــــــــه
عجبي !!!!



غَدْر الزمان يا قلبي ما لهوش أمان
وحاييجي يوم تحتاج لحبَة إيمان
قلبي ارتجف وسأَلني .. أَأَمِن بإيه ؟
أَأَمن بإيه محتار بقالي زمان
عجبي !!

غسل المسيح قدمك يا حافي القدم
طوبى لمن كانوا عشانك خدم
صنعت لك نعليك أنا يا أخي
مستني إيه .. ما تقوم تدوس العدم
عجبي !!


غطس وقب الموج نهود بمبي
من ألف جيل جمالات ما تعلم بي
يا قلبي عيب دول امهاتنا القدام
أستغفر الله العظيم ربـــــــــــــي
عجبي !!


غمست سنك في السواد يا قلـــــــــــــــم
عشان ما تكتب شعر يقطر ألــــــــــــــــم
مالك جرالك إيه يا مجنون ... و ليــــــــه
مالك جرالك إيه يا مجنون ... و ليــــــــه
عجبي !!!


غمض عينيك و ارقص بخفة و دلع
الدنيا هي الشابة و انت الــــــــجدع
تشوف رشاقة خطوتك تعبــــــــدك
لكن انت لو بصيت لرجليك ....تـقع
عجبي !!!

فارس وحيد جوه الدروع الحديد
رفرف عليه عصفور وقال له نشيد
منين .. منين.. و لفين لفين يا جدع
من بعيد و لسه رايح بعيد
عجبي !!

فتحت شباكي لشمس الصبـــــــــــــــــاح
ما دخلش منه غيــــــــــر عويل الريـــاح
و فتحت قلبي عشان ابوح بالألـــــــــــــم
ما خرجش منه غير محبه و سمــــــــاح
عجبي !!



فوق تحت . ورا قدام . يمين شمـــال
في الجو . تحت الميه . أو في الرمال
طلب الكمال يحرم علي الممـــــــــكن
و الممكنات دول محرومين م الكمال
عجبي !!!




يوم صحيت شاعر براحة و صفا في
الهم زال و الحزن راح و اختفي
خدني العجب و سألت روحي سؤال
خدني العجب و سألت روحي سؤال
عجبي !!!



قاعدة قناني الخمر ساكتة و ساهية
مع ابن آدم في الشبه متناهيـــــــــــة
مع ابن آدم في الشبه متناهيـــــــــــة

و بعدها بلحظه يودوا في داهيــــــه
عجبي !!!




قالوا ابن آدم روح و بدنه كفـــــــــــن
قالوا لأ بدن . قالوا لأ ده روح في بدن
رفرف فؤادي مع الرايات في الهــــــوا
أنا قلت لأ روح في بدن في وطــــــــن
عجبي !!!

يتبع

_________________التوقيع _______________
عيش الحياة كما تحب فلا يهمك اقاويل الناس افعل مايحبه الله دائما تجد كل الخيروافعل ماتقتنع به دائما فلاتندم على شى عيش كما تحب تجد نفسك مرتاح البال وافتح قلبك للحياة بكل قناعاتك
الرجوع الى أعلى الصفحة اذهب الى الأسفل
M A D Y
مجلس الاداره
مجلس الاداره


عدد الرسائل : 1779
العمر : 29
الاوسمه :
مزاجك ايه :
نقاط : 2053
تاريخ التسجيل : 04/06/2008

مُساهمةموضوع: رد: رباعيات صلاح جاهين   الخميس يناير 29, 2009 6:05 pm

yes NO it"s Making Lady

عجبنى اوى يتبع دى

ههههههههههههههههههههههههه

_________________التوقيع _______________



ليس كل من تهواه يهواك قلبه
ولا كل من صافيته لك قد صفا
ان كان صفو القلوب طبيعة
فلاخير فى خل يجىء تكلفاا
سلام على الدنيا اذا لم يكن بها
صديقاا صادق الوعد منصفاا

.......................................

قلمى اياك انت تكتب مرة اخرى عن صديقى
اقسم ان كررت سأكسرك الا تعلم انه رفيقى
مهما فعل لن ابالى فعلته
حتى لو تحولت يده تمنع زفيرى وشهيقى

الرجوع الى أعلى الصفحة اذهب الى الأسفل
نو
مشرف عام المنتديات
مشرف عام المنتديات


عدد الرسائل : 773
العمر : 29
الموقع : ام الدنيا
المزاج : نوكومنت
الاوسمه :
مزاجك ايه :
نقاط : 477
تاريخ التسجيل : 08/11/2008

مُساهمةموضوع: رد: رباعيات صلاح جاهين   الخميس يناير 29, 2009 6:31 pm

ليه محمد عمل سيدة

ولا فهمت خطا
امممممممم

_________________التوقيع _______________
عيش الحياة كما تحب فلا يهمك اقاويل الناس افعل مايحبه الله دائما تجد كل الخيروافعل ماتقتنع به دائما فلاتندم على شى عيش كما تحب تجد نفسك مرتاح البال وافتح قلبك للحياة بكل قناعاتك
الرجوع الى أعلى الصفحة اذهب الى الأسفل
M A D Y
مجلس الاداره
مجلس الاداره


عدد الرسائل : 1779
العمر : 29
الاوسمه :
مزاجك ايه :
نقاط : 2053
تاريخ التسجيل : 04/06/2008

مُساهمةموضوع: رد: رباعيات صلاح جاهين   الخميس يناير 29, 2009 6:33 pm

يالهوووووووووووووووووووووووووووووووى



ليدى هنا مش بمعنى سيده خالص الم الناس عليا

هنا معناها صنع يدى

_________________التوقيع _______________



ليس كل من تهواه يهواك قلبه
ولا كل من صافيته لك قد صفا
ان كان صفو القلوب طبيعة
فلاخير فى خل يجىء تكلفاا
سلام على الدنيا اذا لم يكن بها
صديقاا صادق الوعد منصفاا

.......................................

قلمى اياك انت تكتب مرة اخرى عن صديقى
اقسم ان كررت سأكسرك الا تعلم انه رفيقى
مهما فعل لن ابالى فعلته
حتى لو تحولت يده تمنع زفيرى وشهيقى

الرجوع الى أعلى الصفحة اذهب الى الأسفل
نو
مشرف عام المنتديات
مشرف عام المنتديات


عدد الرسائل : 773
العمر : 29
الموقع : ام الدنيا
المزاج : نوكومنت
الاوسمه :
مزاجك ايه :
نقاط : 477
تاريخ التسجيل : 08/11/2008

مُساهمةموضوع: رد: رباعيات صلاح جاهين   الخميس يناير 29, 2009 7:05 pm

امممممممم

اوك محمد
يد يعنى

Hand


ويدى
يعنى


Lady

اوك

منكم نستفيد
ا

_________________التوقيع _______________
عيش الحياة كما تحب فلا يهمك اقاويل الناس افعل مايحبه الله دائما تجد كل الخيروافعل ماتقتنع به دائما فلاتندم على شى عيش كما تحب تجد نفسك مرتاح البال وافتح قلبك للحياة بكل قناعاتك


عدل سابقا من قبل نو في الخميس يناير 29, 2009 7:16 pm عدل 2 مرات
الرجوع الى أعلى الصفحة اذهب الى الأسفل
نو
مشرف عام المنتديات
مشرف عام المنتديات


عدد الرسائل : 773
العمر : 29
الموقع : ام الدنيا
المزاج : نوكومنت
الاوسمه :
مزاجك ايه :
نقاط : 477
تاريخ التسجيل : 08/11/2008

مُساهمةموضوع: رد: رباعيات صلاح جاهين   الخميس يناير 29, 2009 7:06 pm

قالوا الشقيق بيمُصّ دم الشقيق
والناس ما هيَّاش ناس بحق وحقيق
قلبي رميته وجبت غيره حجر
داب الحجر ... ورجعت قلبي رَقيق
عجبي !!



قطي العزيز راقد على الكنبــــــات
في نوم لذيذ .. و بيلحس الشنبات
و انا كل عين فنجان مدلدق قلــق
صدق اللي قال إن الحياة منابات
عجبي !!

قلبي عليل يا ناس و في الكاس دواه
مديت له إيدي شربت م اللي حــــواه
جنبي الشمال خف .. اليمين اتــــوجع
و إيه يداوي الكبد م اللي كـــــــــــواه
عجبي!!


كام اشتغلت يا نيل في نحت الصخور
مليون بئونه و الف مليون هاــــتور
يا نيل أنا ابن حلال و من خلفتــــــك
و ليه صعيبه علي بس الأمــــــــور
عجبي !!!

كان فيه زمان سِحليَّة طول فَرْسَخين
كهفين عيونها وخَشْمَها بَرْبخين
ماتت .. لكين الرعب لم عمره مات
مع إنه فات بدل التاريخ تاريخين
عجبي !!

كان فيه قمر كأنه فرخ الحمام
علي صغره دق شعاع شق الغمام
أنا كنت حاضر قلت له ينصرك
إشحال لما حتبقي بدر التمام
عجبي !!


كرباج سعاده وقلبي منه انجلد
رمح كأنه حصان و لف البلد
و رجع لي نص الليل و سألني .. ليه
خجلان تقول انك سعيد يا ولد
عجبي !!!


كروان جريح مضروب شعاع م القمر
سقط من السموات فؤاده انكســـــــــر
جريت عليه قطه علشان تبلعـــــــــــه
أتاريه خيال شعراء و مالهـــــوش أثر
عجبي !!!

كل اللي في الخمّارة صابهم جنون
صبحوا الرجال يتبادلوا كاس المنون
وبْدمّ ونبيت انكتب ع الجدار
"
يا ميت ندامة ع اللي قلبه حنون "
عجبي !!

كيف شفت قلبي و النبي يا طبيــــــــــــب
همد و مات و الا سامع له دبيـــــــــــــب
قاللي لقيته مختنق بالدمـــــــــــــــــــــوع
و ما لوش دوا غير لمسه من إيد حبيب
عجبي !!!!

لو فيه سلام في الأرض وطمان و أمن
لو كان مفيش و لا فقر و لا خوف جبن
لو يملك الانسان مصير كل شـــــــــــئ
انا كنت اجيب للدنيا ميت ألف ابــــــــــن
عجبي !!



لولا اختلاف الرأي يا محـــــترم
لولا الزلطتين ما لوقود انضرم
و لولا فرعين ليف سوا مخاليف
كان بيننا حبل الود كيف اتبرم ؟
عجبي !!!!

ما آنتاش بتلعب ليه يا روح بابــــا ؟
و لا عسكري و لا لص في عصابة ؟
إلعب أسد أو ديب رهيب أو غـــــزال
دي الدنيا في نهاية المطاف غابـــــة
عجبي !!!

ما حد في الدنيا واخد جزاتــــــــــــــــــه
و لا حــــــــــــــــد بيفكر في غير لذاذاته
ما تعرفيش يا حبيبتي .. أنا و انتي مين؟
إنتي عروس النيل ... و أنا النيل بذاته
عجبي !!
مرحب ربيع مرحب ربيع مرحبــــــــــه
يا طفل يا للي ف دمي ناغا وحبــــــــا
علشان عيونك يا صغنن هويــــــــــــت

حتي ديدان الأرض و الأغربــــــــــــــة

عجبي !!!


مرغم عليك يا صُبح مغصوب يا ليل
لادخلتها برِجْليَّا ولا كانلي ميل
شايلنِّي شيل دخلت انا في الحياة
وبكره ح اخرج منها شايلِّني شيل
عجبي !!


يتبع

_________________التوقيع _______________
عيش الحياة كما تحب فلا يهمك اقاويل الناس افعل مايحبه الله دائما تجد كل الخيروافعل ماتقتنع به دائما فلاتندم على شى عيش كما تحب تجد نفسك مرتاح البال وافتح قلبك للحياة بكل قناعاتك
الرجوع الى أعلى الصفحة اذهب الى الأسفل
نو
مشرف عام المنتديات
مشرف عام المنتديات


عدد الرسائل : 773
العمر : 29
الموقع : ام الدنيا
المزاج : نوكومنت
الاوسمه :
مزاجك ايه :
نقاط : 477
تاريخ التسجيل : 08/11/2008

مُساهمةموضوع: رد: رباعيات صلاح جاهين   الخميس يناير 29, 2009 7:11 pm



مركب ورق من نفخة تتطـــــــــوح
ركبتها و الكل بيــــــــــــــــلوح
سوحت فيها اتنين و خمسين سنــــه
للآن ..... و لا بتغرق و لا تـــــروح
عجبي!!


مزيكة هادية الكون فيها انغـــــمر
وصيف و ليل و عقد فل و سمر
يا هلتري الناس كلهم مبسوطين
و يا هلتري شايفين جمال القمر ؟
عجبي!!



من بين شقوق الشيش و شقشقت لك
مع شهقة العصافير و زقزقـــــــت لك
نهار جديد انا . . قوم نشوف نعــمليه
انا قلت يا ح تقتلني .. يا ح اقــــــــتلك
عجبي !!!


منين أجيبها كلمه متألمـــــــــــــــــة
لعيبه فايره حايره و مصممــــــــــه
منين اجيبها كلمه تكون بنـــت ارض
تشفي اللي ما شافهوش كلام السمـا
عجبي !!!



مهبوش بخربوش الألم والضياع
قلبي ومنزوع م الضلوع انتزاع
يا مرايتي يا اللي بترسمي ضحكتي
يا هلترى ده وش والا قناع
عجبي !!

نسمة ربيع لكن بتكوي الوشـــــــوش
طيور جميلة بس من غير عشـــوش
قلوب بتخفق إنما وحـــــــــــــــــدها
هي الحياه كده .. كلها في الفاشوش
عجبي !!!!

نظرت فوق للنجوم و انا ساير
رجليا عترت في الحفر و الحجاير
بقيت أقول و انا ع التراب: يا سلام
مش بس عبره أخذت لكن عباير
عجبي !!!

نظرت في الملكوت كتير وانشغلت
وبكل كلمةْ ( ليه ؟ ) و ( عشانيه ) سألت
اسأَل سؤال .. الرد يرجع سؤال
واخرج وحيرتي أشد مما دخلت
عجبي !!


نقطة مرارة كمان علي مشروبـــــــــــي
دوبها يا ساقي حسب مطلوبـــــــــــــــي
طعب الحياة .. مش برضه فيها و فيها ؟
ليالي وردي و نهارات خروبــــــــــــي ؟
عجبي!!
نوح راح لحاله و الطوفان استمر
مركبنا تايهه لسه مش لاقيه بر
آه م الطوفان وآهين يا بر الأمان
إزاي تبان و الدنيا غرقانه شر
عجبي !!


هات يا زمان و هات كمان يا زمان
غير بسمة الشجعان مامني يــــبان
هو اللي داق الفرحة يوم ثورتـــــه
يقدر يعود و لا ثانية للأحــــــزان ؟
عجبي!!

و الكون ده كيف موجود من غير حدود
و فيه عقارب ليه و تعابين ودود
عالم مجرب فات و قال سلامات
ده ياما فيه سؤالات من غير ردود
عجبي !!!
يتبع

_________________التوقيع _______________
عيش الحياة كما تحب فلا يهمك اقاويل الناس افعل مايحبه الله دائما تجد كل الخيروافعل ماتقتنع به دائما فلاتندم على شى عيش كما تحب تجد نفسك مرتاح البال وافتح قلبك للحياة بكل قناعاتك
الرجوع الى أعلى الصفحة اذهب الى الأسفل
نو
مشرف عام المنتديات
مشرف عام المنتديات


عدد الرسائل : 773
العمر : 29
الموقع : ام الدنيا
المزاج : نوكومنت
الاوسمه :
مزاجك ايه :
نقاط : 477
تاريخ التسجيل : 08/11/2008

مُساهمةموضوع: رد: رباعيات صلاح جاهين   الخميس يناير 29, 2009 7:17 pm


و لو انضنيت و فنيت وعمري انفرط
مش عاوز الجأ للحلول الوســـــــــط
و كمان شطط و جنون مانيش عــاوز
يا مين يقول لي الصح فين والغلــــط
عجبي !!


وأنا في الضلام .. من غير شعاع يهتكه
أَقف مكاني بخوف ولا أتركه
ولما بيجي النور وأشوف الدروب
أحتار زيادة .. أيهم أَسلكه ؟
عجبي !!


ورا كل شباك ألف عين مفتوحين
و انا وانتي ماشيين يا غرامي الحزين
لو التصقنا نموت بضربة حجر
و لو افترقنا نموت متحسرين
عجبي !!!
ورد في ورق سلوفان يا حلوة اهديلك ؟
و الا انقله بالطين في الشتلة و اجيلـــــك
الأولاني لو وحا بحنــــــــــــــــــــــانــي
عجبي علي التاني بإيــــــــه يوحيلــــــــك
عجبي !!



وسط الحطام اتفرجوا يا أنـــــــــام
تمثال ملك . و مبوله م الرخــــــام
لتنين نحتهم نفس أسطي الحجــــر
و كانوا ذات يوم كتلتين لسه خــام
عجبي !

وقفت بين شطين على قنطــــــــــــــــــرة
الكدب فين و الصدق فيـــــــــــن يا تري
محتار ح اموت .. الحوت خرج لي وقالي
هو الكلام يتقــــــــــــاس بالمســـــــــــطرة
عجبي !!!

وقفت ساعة الصبح باغسل سناني
قالت لي شايف قوتي و لمعاني ؟
إيش تطلب اليوم مني ضحكة أسد ؟
والا ابتسامة اعلانات أمريكاني ؟
عجبي !!


ولدي إليك بدل البالون ميت بالــــــون
انفخ وطرقع فيه علي كل لـــــــــــون
عساك تشوف بعينك مصيرالرجــــــال
المنفوخين في السترة و البنطلـــــون
عجبي !!!
يتبع

_________________التوقيع _______________
عيش الحياة كما تحب فلا يهمك اقاويل الناس افعل مايحبه الله دائما تجد كل الخيروافعل ماتقتنع به دائما فلاتندم على شى عيش كما تحب تجد نفسك مرتاح البال وافتح قلبك للحياة بكل قناعاتك
الرجوع الى أعلى الصفحة اذهب الى الأسفل
نو
مشرف عام المنتديات
مشرف عام المنتديات


عدد الرسائل : 773
العمر : 29
الموقع : ام الدنيا
المزاج : نوكومنت
الاوسمه :
مزاجك ايه :
نقاط : 477
تاريخ التسجيل : 08/11/2008

مُساهمةموضوع: رد: رباعيات صلاح جاهين   الخميس يناير 29, 2009 7:19 pm


ولدي نصحتك لما صوتي اتنبــــــــــــح
ما تخفش من جني و لا من شبـــــــــح
و ان هب فيك عفريت قتيل إسألـــــــــه
ما دافعش ليه عن نفسه يوم ما اندبح
عجبي !!



يا باب يا مقفول ... إمتى الدخول
صبرت ياما و اللي يصبر ينول
دقيت سنين ... و الرد يرجع لي : مين ؟
لو كنت عارف مين أنا كنت أقول
عجبي !!!

يا حزين يا قمقم تحت بحر الضياع
حزين أنا زيك و إيه مستطاع
الحزن ما بقالهوش جلال يا جدع
الحزن زي البرد ... زي الصداع
عجبي !!!!

يا خالق الكون بالحساب و الجبر
و خالقني ماشي بلختيار و الجبر
كل اللي حيلتي زمزمية أمـــــــل
وازاي تكفيني لباب القــــــــــــبر؟
عجبي !!

يا طير يا عالي في الســــــما طظ فيك
ما تفتكرشي ربنا مصطــــــــــــــــفيك
برضـــــــــــك بتاكل دود و للطين تعًًًًودً
تمـــــــــص فيه يا حلو .. و يمص فيك
عجبي !!!

!!!


يا قرص شمس ما لهش قبة سما
يا ورد من غير أرض شب و نما
يا أي معني جميل سمعنا عليه
الخلق ليه عايشين حياه مؤلمة
عجبي !!!
يا كل كلمة للعجب في قامــــــــــــوس
انسكلوبيديا لسان العرب أو لا لاروس
تعالوا نجدة . ده لسه في عصـــــرنا
الشمس و البحر العريض بالفـــلوس
عجبي !!!


يا للي انت بيتك قش مفروش بريش
تقوى عليه الريح . يصبح مفيش
عجبي عليك حواليك مخالب كبار
وما لكش غير منقار وقادر تعيش
عجبي !!



يا للي بتبحث عن إله تعبده
بحث الغريق عن أي شيء ينجده
الله جميل وعليم ورحمن رحيم
إحمل صفاته ... وانت راح توجده
عجبي !!




يا للي ف حماه الشمس تلقى الملاذ
وألف بكره وبكره ... في ضلوعه لاذ
مين انت ؟ مارد ؟ رب ؟ قال لأ ده بس
انا اللي باروي القمح واسقي الفولاذ
عجبي !!

يا مشرط الجراح أمانة علـــــــــــيك
و انت ف حشايا تبص من حواليــك
فيه نقطة سوده في قلبي بدأت تبان
شيلها كمان .. و الفضل يرجع إليك
عجبي !!



يا ملونين البيض في شم النسيـــــم
لون الحنين و الشوق و خمر النديم
ما تعرفوش سايق عليكو النبــــــي
تلونوا الأيام بلون النعيــــــــــــــم ؟
عجبي!!



يا وردة قلبي معاكي في الريح لعب
لا تعبتي م الريح و لا قلبي تعــــــــب
احنا كده : نرتاح في صخب الجنون
و في السكون بنخاف قوي و نترعب
عجبي !!!




يأسك و صبرك بين إيديك و انت حر
تيأس ما تيأس الحياه راح تــــــــمر
أنا دقت مندا ومندا عجبي لقيــــــت
الصبر مر و برضك اليـأس مـــــــر
عجبي !!


ياللي عرفت الحب يوم و انطــــــــــــوي
حسك تقال مشتاق لنبع الهـــــــــــــــوي
حسك تقول مشتاق لنبع الغــــــــــــــــرام
ده الحب .. مين داق منه قطره...ارتوي
عجبي !!



ياللي نصحت الناس بشــــــــــــــرب النبيت
مع بنت حلوه .. وعود , وضحك , وحديت
مش كنت تنصحهم منين يكســــــــــــــــبوا
تمن ده كله ؟ ... و الا يمكن نســـــــــــيت
عجبي !


ياما صادفت صحاب و ما صاحبتهمش
و كاسات خمور و شراب و ما شربتهمش
أندم علي الفرص اللي انا سبتهم
و الا علي الفرص اللي ما سبتهمش
عجبي !!

ينبوع و في الحواديت أنا سمعت عنه
إنه عجيب .. و ف وسط لهاليب لكنه
شقيت كما الفرسان طريقي .. لقيت
حتي الخنازير و الكلاب شربوا منه
عجبي !!!!


يوم قلت آه .. سمعوني قالوا فَسَدْ
ده كان جدع قلبه حديد واتحسد
رديت على اللايمين أنا وقلت .. آه
لو تعرفوا معنى زئير الأسد
عجبي !!


يومي على الله تنتهي و تغيــــب
الشمس و تعود تاني يوم لهاليب
زي الحياة مأساه و من كترهــــا
بقي لا انتهاءها و ابتداءها عجيب
عجبي !!

_________________التوقيع _______________
عيش الحياة كما تحب فلا يهمك اقاويل الناس افعل مايحبه الله دائما تجد كل الخيروافعل ماتقتنع به دائما فلاتندم على شى عيش كما تحب تجد نفسك مرتاح البال وافتح قلبك للحياة بكل قناعاتك
الرجوع الى أعلى الصفحة اذهب الى الأسفل
نو
مشرف عام المنتديات
مشرف عام المنتديات


عدد الرسائل : 773
العمر : 29
الموقع : ام الدنيا
المزاج : نوكومنت
الاوسمه :
مزاجك ايه :
نقاط : 477
تاريخ التسجيل : 08/11/2008

مُساهمةموضوع: رد: رباعيات صلاح جاهين   الخميس يناير 29, 2009 7:20 pm

كدا كل الرباعيات الى انا اعرفها لجاهين خلصت

نيجى للاشعار ان شاء الله انزلها بعد فترة

_________________التوقيع _______________
عيش الحياة كما تحب فلا يهمك اقاويل الناس افعل مايحبه الله دائما تجد كل الخيروافعل ماتقتنع به دائما فلاتندم على شى عيش كما تحب تجد نفسك مرتاح البال وافتح قلبك للحياة بكل قناعاتك
الرجوع الى أعلى الصفحة اذهب الى الأسفل
M A D Y
مجلس الاداره
مجلس الاداره


عدد الرسائل : 1779
العمر : 29
الاوسمه :
مزاجك ايه :
نقاط : 2053
تاريخ التسجيل : 04/06/2008

مُساهمةموضوع: رد: رباعيات صلاح جاهين   الخميس يناير 29, 2009 7:45 pm

ان شاء الله


تمنياتى لكى بالتوفيق

_________________التوقيع _______________



ليس كل من تهواه يهواك قلبه
ولا كل من صافيته لك قد صفا
ان كان صفو القلوب طبيعة
فلاخير فى خل يجىء تكلفاا
سلام على الدنيا اذا لم يكن بها
صديقاا صادق الوعد منصفاا

.......................................

قلمى اياك انت تكتب مرة اخرى عن صديقى
اقسم ان كررت سأكسرك الا تعلم انه رفيقى
مهما فعل لن ابالى فعلته
حتى لو تحولت يده تمنع زفيرى وشهيقى

الرجوع الى أعلى الصفحة اذهب الى الأسفل
مريم
جولدى شغال
جولدى شغال


عدد الرسائل : 189
العمر : 27
نقاط : 186
تاريخ التسجيل : 06/02/2009

مُساهمةموضوع: رد: رباعيات صلاح جاهين   السبت فبراير 07, 2009 8:25 pm

بجد روووووووووعه بجد ياريت يكون فى اكتير من كده
الرجوع الى أعلى الصفحة اذهب الى الأسفل
مريم
جولدى شغال
جولدى شغال


عدد الرسائل : 189
العمر : 27
نقاط : 186
تاريخ التسجيل : 06/02/2009

مُساهمةموضوع: رد: رباعيات صلاح جاهين   الإثنين مارس 02, 2009 1:59 am

ياباب يا مقفول امتى الدخول صبرت ياما واللى يصبر ينول دقيت سنين...... والرد يرجع لى: مين ؟ لوكنت اعارف مين ان كنت اقول .... وعجبى!!!
انا شاب لكن عمرى الف عام وحيد لكن بين ضلوعى زحام خايف ولكن خوفى من انا اخرس ولكن قلبى مليان كلام عجبى!!!
الرجوع الى أعلى الصفحة اذهب الى الأسفل
 
رباعيات صلاح جاهين
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 2انتقل الى الصفحة : 1, 2  الصفحة التالية

صلاحيات هذا المنتدى:لاتستطيع الرد على المواضيع في هذا المنتدى
منتديات البحر الذهبى :: »»» المنتدى الادبى ««« :: الشعر وعذب الكلمات-
انتقل الى: